Astudiodd Jeremy Kerrison Ffrangeg, Sbaeneg a Phortiwgaleg ym Mhrifysgol Salford, Lloegr gan raddio gyda 2:1 ym 1985.

Ers iddo gwblhau ei astudiaethau, mae Jeremy wedi treulio nifer o flynyddoedd yn gweithio dramor gan gynnwys pum mlynedd yn Ne Ffrainc, yn ogystal â chyfnodau yn byw ym Mharis, Sbaen, Portiwgal, yr Unol Daleithiau a Chanada.

Mae Jeremy, sy’n ieithydd profiadol, wedi cyfieithu’r ‘Michelin Green Guides’ i Sbaen, Portiwgal ac Andalwsia, ac mae'n gyd-awdur (gyda Helen Isaacs) The Practical Guide to Toulouse/Midi-Pyrénées, sydd bellach yn ei ail argraffiad.

Am y pymtheg mlynedd diwethaf mae wedi gweithio fel tywysydd teithiau llaw-rydd yn Ffrainc, Sbaen a Phortiwgal i gwmnïau enwog fel Abercrombie & Kent a Page & Moy. Yn ychwanegol mae hefyd wedi tywys teithiau i Ogledd a De America (gan gynnwys dwy i’r Amazon) ac wedi arwain un daith o amgylch y byd.

Yn ystod blynyddoedd diweddar, mae Jeremy wedi gweithio fel siaradwr ar fwrdd nifer o fordeithiau moethus i Sbaen, Portiwgal a Morocco ac wedi darlithio i Gymdeithas Genedlaethol y Cymdeithasau Celfyddyd Addurniadol a Chain (NADFAS) ar gelf a phensaernïaeth Canol Sbaen.
  

Astudiodd Helen Isaacs Ffrangeg ac Eidaleg ym Mhrifysgol Reading, Lloegr, gan raddio gyda 2:1 ym 1984. Yna datblygodd ei hastudiaethau iaith ymhellach ym Mhrifysgol Caint yng Nghaergaint, lle cwblhaodd ddiploma ôl-radd mewn cyfieithu yn llwyddiannus ym 1985.

Mae Helen wedi treulio cyfnodau hir yn byw dramor, gan gynnwys blwyddyn yn dysgu Saesneg yn Geneva a phum mlynedd yn ne Ffrainc, lle gweithiodd fel cyfieithydd a lle bu’n dysgu yn Grandes Ecoles ENAC ac ENSICA. Mae hefyd wedi byw yn Siena, Rhufain, Aix-en-Provence a’r Unol Daleithiau.

Ers iddi ddatblygu ei gyrfa cyfieithu, mae Helen wedi gweithio ar lawer o Green Guides Michelin i’r Eidal ac yn ddiweddar mae wedi cyfieithu argraffiad newydd the Michelin Green Guide to Egypt. Mae’n gyd-awdur (gyda Jeremy Kerrison) The Practical Guide to Toulouse/Midi-Pyrénées, sydd bellach yn ei ail argraffiad.

Am y pymtheg mlynedd diwethaf mae wedi gweithio fel tywysydd teithiau llaw-rydd yn Ffrainc, yr Eidal a’r Swistir i gwmnïau enwog fel Abercrombie & Kent a Page & Moy. Mae teithiau diweddar wedi cynnwys teithiau cerdded yn Tuscany a’r Alpau Ffrengig.